PINAG-INIT ni Anne Curtis ang social media nang bumandera ang kanyang mga litrato kung saan halos bumuyangyang na ang kanyang boobs.
Talaga namang napa-wow at napanganga ang kanyang mga fans at social media followers nang makita ang kanyang sexy photos with her brand-new Gucci piece.
Ang mga ibinahaging litrato ng TV host-actress kung saan agaw-eksena nga ang suot niyang logo chain bra ay kinunan ng celebrity photographer na si Luis Ruiz. Tinernuhan pa niya ang bonggang bra ng elbow-length black gloves at high-waisted pencil skirt.
Ani Anne sa caption, “Iconic runway piece in time for the opening of the new @gucci house in Manila.”
In fairness, sa loob lamang ng 12 oras, umabot na humigit-kumulang kalahating milyon likes ang mga pasabog na litrato ni Anne. Hindi lang mga netizens ang nag-react sa pa-boobs ng aktres kundi maging ang mga kapwa niya celebrities.
Comment ni Angelica Panganiban, “Tigil mo na to kambal. Ayoko na mainggit.”
Hirit naman ni Isabelle Daza, “Boobs (fire emoji).”
Reaksyon naman ni Miss Universe 2015 Pia Wurtzbach, “Giiiiirl (clapping hands emojis).”
“Anne Curtis FOREVER!!!!!” sey ni Mariel Padilla.
Tinawag namang “QUEEN” ni Miss Universe Philippines 2023 Michelle Dee si Anne.
Sey naman ng Kapamilya sexy actress na si Chie Filomeno, “A GODDESS (heart eyes emoji).”
Ang ilan pang celebrities na napa-comment ng fire emojis ay sina Iza Calzado, Shaina Magdayao, Liz Uy, Karen Davila, at Ruffa Gutierrez.
