MEXICO CITY— Isa si Chelsea Manalo, kinatawan ng Pilipinas, sa mga nangungunang kandidata para sa korona ng Miss Universe 2024 ayon sa huling hot picks na inilabas ng kilalang pageant observer na Missosology nitong Nobyembre 16.
Sa listahan, pumwesto si Manalo sa ika-siyam na puwesto kasama ang iba pang frontrunners na sina Suchata Chuangsri ng Thailand at Victoria Kjær Theilvig ng Denmark.
Tinawag ng Missosology si Manalo na isang “dark horse,” tulad ng kanyang estado noong Miss Universe Philippines. Ayon sa platform, mataas ang inaasahan mula sa Bulakenya beauty queen ngunit may opinyon na maaaring hindi niya lubos na naabot ang mga ito sa preliminary round.
Gayunpaman, binigyang-diin ng Missosology na ang “Philippines sash” ay palaging may bigat sa kompetisyon, at may potensyal si Chelsea na magbigay ng sorpresa sa grand coronation night.
Nangunguna sa listahan si Chuangsri, na inilarawan bilang isang “demure yet queenly beauty,” habang ang pangalawa, si Theilvig, ay itinuring na paborito ng mga hurado at tagahanga dahil sa kanyang balanseng kagandahan at tiwala sa entablado.
Buong Listahan ng Missosology Hot Picks:
- Thailand – Suchata Chuangsri
- Denmark – Victoria Kjær Theilvig
- Peru – Tatiana Calmell
- Venezuela – Ileana Márquez
- Chile – Emilia Dides
- Mexico – María Fernanda Beltrán
- Dominican Republic – Celinee Santos
- Puerto Rico – Jennifer Colón
- Philippines – Chelsea Manalo
- Zimbabwe – Sakhile Dube
(at iba pa sa Top 30)
Gaganapin ang coronation night ng Miss Universe 2024 sa Nobyembre 16 (Nob. 17 oras sa Pilipinas) sa Mexico, kung saan ipapasa ni Sheynnis Palacios ang korona sa kanyang kahalili.
Abangan ang mga real-time updates ng Miss Universe 2024!
