Natalo umano si Ruffa Gutierrez sa labor complaint na inihain ng dalawa sa dati niyang house help na nag-claim na sinibak ng aktres nang hindi nagbibigay ng kanilang suweldo, ayon kay P3PWD Party-List Rep. Rowena Guanzon.
Sa Twitter nitong Abril 1, pinasalamatan ni Guanzon ang mga tumulong sa kaso ng dalawang babae mula sa Negros Occidental na humingi ng tulong sa labor complaint na inihain laban kay Gutierrez, na may video message sa aktres para ayusin ang kaso.
“Maging leksyon ito sa mga amo na itinuring naman pong tao na may damdamin yung mga kasambahay ninyo. Sana po ay maayos na ito. Nananawagan ako kay Ruffa Gutierrez na ayusin na niya ito, i-settle na niya. Ang gusto lang naman ng mga kasambahay na ito ay makapagtrabaho ng maayos, at ituring ng maayos,” sinabi ng Congresswoman sa Video.
“Kakampi ako ng mga inaapi, ng mga walang kalaban laban. Mga kaibigan, nanalo sa labor case ang dalawang kasambahay lanan kay Ruffa G. #p3pwdatyourservice,”dagdag niya.
Salamat sa lahat na tumulong sa dalaqang kasambahay na taga Negros Occidental lalo na sa mga abogado #p3pwdatyourservice pic.twitter.com/VHCNxaPmRR
— Rowena Guanzon (@rowena_guanzon) April 2, 2023
Kakampi ako ng mga inaapi,ng mga walang kalaban laban. Mga kaibigan, nanalo sa labor case ang dalawang kasambahay lanan kay Ruff G. #p3pwdatyourservice
— Rowena Guanzon (@rowena_guanzon) April 2, 2023
Nag-ugat ang kaso sa reklamong inihain ng mga kasambahay ni Gutierrez sa National Labor Relations Commission (NLRC) noong Hulyo 2022, na sinasabing sila ay tinanggal ng batikang aktres sa kanyang tahanan sa Ayala Alabang nang hindi nagbibigay ng kanilang suweldo.
Una nang isinapubliko ni Guanzon ang kasong isinampa ng mga kasambahay nang ibahagi niya sa social media ang screenshot ng “Notice of Conference” na naka-address sa “Maid in Malacañang” star, sa kabila ng pagtanggi ng kanyang legal counsel na “black propaganda.”
Ibinahagi rin ng TV personality na si Ogie Diaz sa kanyang Showbiz Update vlog, na na-upload sa kanyang YouTube channel noong Biyernes, Marso 31, ang larawan ng desisyon mula sa labor commission sa ilalim ng Department of Labor and Employment (DOLE) na may petsang Setyembre 2022.
Nabanggit din ni Diaz na inutusan ng korte si Gutierrez at ang kanyang mga katulong sa bahay na magkaroon ng kompromiso, ngunit hindi ito nagtagumpay. Idinagdag din niya na ang kampo ni Gutierrez ay hindi naghain ng apela sa desisyon, dahil inutusan siyang magbayad ng pinagsama-samang halaga na P13,299.92, gayundin ang hindi nabayarang sahod at pro-rated na 13th month pay sa loob ng 10 araw,
“Nanalo ‘yung dalawang kasambahay na pinaalis ni Ruffa Gutierrez sa kanyang Alabang house at nandoon ‘yung dalawa sa gate ng Ayala Alabang village. Noong September 2022 ay sinubukang pag-ayusin sina Ruffa at ang dalawang kasambahay pero parehong ayaw ng compromise kaya tinuloy ang kaso,” he said.
“Kilala ko naman si Ruffa. In fairness, mabait naman ang batang ‘yan. Ilang beses na kaming nagkakausap niyan at nakikita kong mabait si Ruffa pero siyempre, hindi naman ako ‘yung naging kasambahay. Sila ‘yung merong experience o kuwento tungkol kay Ruffa at ngayon ay nabigyan ng pansin ng DOLE,” pinupunto niya.
“And I’m sure si Ruffa ay tutugon [naman] sa desisyon na ito at maliit na bagay at maliit na halaga para hindi tuparin ni Ruffa ang kanyang obligasyon doon sa dalawang kasambahay,” dagdag niya.
“Lesson na rin ito sa lahat ng magiging sa akin na ang pagtrato sa mga kasambahay ay para ring kapamilya. At siyempre, sa mga kasambahay kapag itinuring kayong kapamilya, patunayan ninyo na kahit hindi kayo magkadugo, alam ninyong maasahan kayo ng inyong mga employer sa lahat ng bagay lalo na ang tiwala huwag ninyong sasayangin,” he further added. (Lesson para sa atin na tratuhin ang ating mga kasambahay na parang sarili nating pamilya. Siyempre, dapat patunayan ng mga katulong sa bahay na karapat-dapat din sila sa tiwala ng kanilang amo.)
Si Gutierrez at ang kanyang legal team ay hindi pa sumasagot sa mga ulat, habang sinusulat ito.
